Má til með að deila óskalistanum mínum fyrir þessi jól. Ég ætla að hafa þá þrískipta. Fyrir mig, heimilið (ehm eiginlega bara mig samt) og fyrir Ýri. Það er svo gaman að fá innblástur og hugmyndir frá öðrum og því tilvalið að leyfa ykkur að sjá hvað er á okkar (mínum) óskalista. Njótið!

1. Joha vasi úr NORR11 (sjúk í þennan lit) // 2. Jón í lit í Antík hvítum og ljósbrúnum - Við erum með gráa veggi þannig að það er ekki allt sem passar við! // 3. Motta frá House Doctor, tilvalin í forstofuna. Fæst í Maí Verslun // 4. Blaðagrindin vinsæla frá Ferm Living (hvernig er hægt að vera svona spennt yfir blaðagrind?!) //5. Nú hlægja einhverjir. En þetta er svona hólf til að geyma lykla og annarskonar hluti sem lúkka ekki í forstofunni. Frá Normann Copenhagen sem er btw einn stílhreinasti hönnuður ever og er í miklu uppáhaldi hjá mér! - Fæst í Epal // 6. G plaggatið frá Playtype. Hugsa að ég gefi sjálfri mér þetta bara. Búið að vera á óskalistanum í þó nokkra mánuði. Fæst í dásamlegu NORR11 // 7. Royal Albert bollar (og allt stellið ef þið viljið gefa mér) í munstrinu Confetti. Eins Skandinavískur og plain smekkurinn minn er þá er ég algjörlega veik fyrir svona breskum litskrúðugum stellum // 8. Sushidiskar - Virkilega fallegir til hjá þeim í Seimei.

1. Þessar ofursætu slaufur eru bara of sætar á henni. Fást í Petit // 2. Náttgalla án sokka! Fann þessa í Name it en eflaust til í flestum barnavörubúðum // 3. Gíraffinn frá Amikat. Hún á fílinn en mér finnst þessar myndir svo fallegar fyrir augað! // 4. Joha langermapeysa. Ég er sjúk í þessa þar sem hún er örlítið há í hálsinn - Fæst í Baldursbrá // 5. Óvart allt Joha-ð. En lambúshetta er líka ofarlega á listanum. Þessi á að vera hlý og góð - Fæst í Petit// 6. Síðast en svo alls alls alls ekki síst. Þetta krúttlega sett! Fæst í Petit.

Ég er í svolítlu andlegu sjokki. Meira svona feimin kannski. Seinasta færsla sló svo mikið í gegn að ég held að ég eigi aldrei eftir að ná að toppa hana. Takk allir sem gefa sér tíma og kíkja hingað inn. Þið gerið mömmu í fæðingarorlofi afar káta! 

Þá er komið að óskalista nr. 2. Hann var gerður fyrir u.þ.b. viku og ég er nú þegar búin að splæsa í eitt á honum en það er þessi snilldar uppþvottargræjugeymsla eins og ég kýs að kalla hana. Ég þoli ekki að hafa uppþvottaburstann ofan í vaskinum og tuskuna ofan á krananum - en heldur ekki ofan í vaskaskúffu. Þannig að þetta fannst mér vera sniðug lausn. 

EN - hinir hlutirnir sem eru á listanum. Ræðum þá aðeins. Áhaldakrukkan er svona love/hate samband sem ég á í. Ég er algjör lúði og er að "safna" mér fyrir henni því ég hef það ekki í mér að kaupa hana strax. Ég virka eins og 7 ára gamalt barn sjáið til. Mér finnst rosalega gaman að safna mér fyrir hlutum. Og krukkan kostar 6.250. Sem er fullmikið fyrir eina krukku. Stelton kaffikannan er svona aðallega því mér finnst hún svo falleg. Ég á ekki einu sinni kaffi til að hella uppá. Jón í lit er svo ofarlega á mínum lista, þá helst í hvítum. Svo  er það Le Creuset potturinn en ég hugsa að ég fái hann í brúðkaupsgjöf - ef ég gifti mig einhverntímann! Hay púðann væri ég til í inní stofuna en gulur er frekar ríkjandi á mínu heimili. Brauðkarfan er einn stórfurðulegur hlutur á mínum óskalista en ég læt það vera, hún er bara eitthvað svo hentug og sniðug. 

Kv. Guffa 

Þvottavélin var geymd þarna til hægri en við stækkuðum baðherbergið til að koma henni frekar fyrir þar 

Rifið niður veggurinn sem lokaði eldhúsið af

Búið að moka öllu út og taka vegginn og gólfefnið af. Við hækkuðum s.s. gólfið 

Ákváðum eftir á að henda tveimur efri skápum upp fyrir meira skápapláss þar sem rýmið þarna var frekar dautt. 

 Allt orðið reddý

 String hillan og kaffihornið okkar 

 -

 Já ég geri mér fulla grein fyrir því að Ýr er bara 2gja mánaða. En þessi rugguhestur varð að fá að koma með. Kostaði 2.000 kr

Kökuspaði og kökuhnífur. Mig minnir að þeir kostuðu 1000 krónur stk. Sárvantaði slíka fyrir skírnina :)