Guðfinna Birta: 2013

Eins og ég tók fram í ferðablogginu mínu um Ísland, þá fæ ég aldrei nóg af því að ferðast. Ég skráði mig í skóla fyrr á árinu og ákvað að taka það í fjarnámi. Með fjarnáminu þá get ég unnið miklu meira með og safnað mér pening fyrir komandi ferðalögum.

Ég tók svo ákvörðun fyrr í vikunni um að skrá mig í BA-nám í ferðamálafræði (surprise surprise?) en ég er að læra Viðburðastjórnun eins og er og ég fæ mikið metið inn í námið mitt í ferðamálafræðinni, sem er algjör snilld. Ég er mjög spennt fyrir þessu námi og finnst það höfða mikið til mín.

Eftir Amsterdam ferðina er ég búin að vera hanga inná icelandair.is, .airbnb.com, og dohop.is að leita mér að næsta ævintýri og skoða hvar flugin eru ódýrust.

Ég og Stefán erum búin að brainstorma fram og til baka um hvað við viljum gera en við tókum þá ákvörðun að ferðast um Bandaríkin næsta sumar. Við höfum aldrei farið til U.S. and A og seinasta sumar bauð uppá svo leiðinlegt veður þannig að það var tilvalið að fara út um sumarið en við komum svo heim beint í Mýrarboltann. Upprunarlega ætluðum við í Eurotrip en ákváðum að pása hana til betri tíma. Ferðalagið er að vísu ekki meira en 6 vikur (svona mini reisa) en það er þó eitthvað. Brottför yrði þá í byrjun júní og heimkoma í lok júlí.

Það er búið að fara mikill tími í að velja og hafna áfangastöðum en erum komin með drög af ferðalaginu og ég (og vonandi Stefán líka) er að FARAST úr spenning. Við erum ekki búin að bóka neitt en núna byrjar allsherjarsöfnun og við stefnum á að borga öll flug í byrjun janúar.

Drögin líta svona út :

Ísland - New York City - Niagara Falls - New Jersey - Washington DC - Miami - Las Vegas (Grand Canyon ferð innifalin hérna) - California (O.C., Los Angeles, Cupertino, Napa Valley) - San Francisco - Chicago - Boston - Ísland
(Uppfært 11.12.13)

Margir velta sér eflaust uppúr því afhverju Niagara Falls er þarna ofarlega en Kilroy býður uppá þriggja daga ferð frá New York til Niagara Falls á góðu verði og við ætlum að skella okkur á það. Sjá nánar HÉR

Til að gera bloggið örlítið skemmtilegra og litríkara ætla ég að láta nokkrar myndir af áfangastöðunum fljóta með.

New York City

Niagara falls

Grand Canyon (Arizona)

Golden Gate brúin í San Francisco

Cloud Gate í Chicago

VEGAS baby

Newport Beach California

The White House

Já það eru spennandi tímar framundan...

XOX GBV.

PS. Allar hugmyndir um hvað við eigum að gera, hvar á að borða og þ.h. eru meira en vel þegnar í skilaboðum eða á gudfinnabirta@gmail.com !! :)

18:55
0 Comments

AMSTERDAM

Goedemorgen lezers,

Komin heim eftir helgarferð til Amsterdam - Góð ferð að baki en yndislegu tengdarforeldrarnir mínir buðu mér ásamt Stefáni og Emil að heimsækja fjölskylduna þeirra sem býr þarna.

Ætla nú ekki að hafa þetta langt en ætla að mæla með nokkrum hlutum sem við gerðum þarna úti og vakti mikla lukku og menningarsjokk!

- Red Light District

Það þarf nú ekki að kynna það fyrir neinum, ,,hóruhverfið" í Amsterdam. Virkilega áhugavert að sjá og svo gríðarlega frábrugðið íslenskri menningu að sjá konur í klefa að sýna á sér barminn og hvaðeina. Labbitúr þangað eitt kvöldið er must.

- Kalverstraat

Fyrir alla verslunarfíkla, þá er þetta staðurinn til að vera á. Allar búðir sem að þú þarft, H&M, Monki, Vero Moda, Vila, Zara, River Island, Nike og margar minni búðir. Allir geta fundið sér eitthvað við hæfi og óhætt að segja að peningurinn hverfur hryllilega hratt.

Ekki nógu ánægð með Monki pokana - líta út eins og hagkaupspokarnir!!

- Dam Square

Svokallaður miðbær Amsterdam. Stutt í Kalverstraat og Madame Tussoue (fyrir þá sem hafa áhuga á því). Sniðugast væri að planta sér á einum veitingarstaðnum þarna og sötra einn drykk - ég gerði það allavega! Mæli með Majestic.

Dam Square í bakgrunn - Þarna var Tívolí útaf vetrarfríum hjá börnum í Hollandi.

- Rain club

B5 Amsterdam. Say no more.

- Amsterdam ArenA

Hef þennan lúmska áhuga fyrir fótbolta og við ákváðum að fara á Ajax leik. Yfir 40.000 manns á leiknum og tryllt stemmning. Leikurinn hefði getað verið meira spennandi en hann endaði í 0-0 jafntefli.

- Sigling um Amsterdam

Skylda ef þú vilt sjá borgina í heild sinni. Tekur um það bil klukkustund og þar er enskumælandi fararstjóri sem að segir frá borginni. Hægt að fara á næstu bryggju sem er rétt hjá aðal lestarstöðinni og hoppa um borð í eina létta ferð.

-Museumplein og Vondelpark

Virkilega fallegir garðar og vekja eflaust mikla lukku á sumrin. Fórum í þá báða og gaman að sjá hversu margir hollendingar eru á hjólum allan ársins hring.

Hafa skal í huga :

- Fólk á hjólum er í rétti

- Amsterdam er dýr borg, þá meina ég að það er ódýrara að kaupa kókdós heldur en litla vatnsflösku.

- Dýrt að taka leigubíl - aldrei mælt með því. Nota frekar lestirnar og strætóa

- Nýta sér tax-free. Fékk 60 evrur til baka BÚMSJAGGALA $$$

- Ef að þið þekkið einhvern sem býr í Amsterdam, endilega farið í mat til þeirra eða hafið bröns - það er alltaf skemmtilegt að koma í heimahús í stórborgum.

- Mæli með Zushi veitingarstaðnum

- GBV

10:01
0 Comments

ÍSLAND

Það kemur mér alltaf jafn mikið á óvart hvað það heimsækja margir síðuna þó svo að hún hafi ekki verið virk í nokkra mánuði. Enn eftir reisuna fékk ég smá bloggleiða og var ekki að nenna sinna síðunni neitt.

Við lentum á KEF flugvelli þann 30. maí óvænt. Ég og Stefán komum foreldrum okkar alveg á óvart og óhætt að segja að mamma var í algjöru áfalli að sjá mig 2 dögum fyrr enda búin að plana daginn alveg í gegn þegar að ég kæmi heim frá London :-)

Það versta við að fara í svona reisu er að það slekkur ekki á neinni löngun hvað varðar ferðalög. Núna langar mig bara að ferðast ennþá meira enn ég skráði mig í skóla í haust og verð þá ekki á neinu flandri.. eða svona næstum því.

Ég er nefninlega á leiðinni til Amsterdam í lok oktober sem ég er mjög spennt fyrir. Stutt helgarferð með fríðu föruneyti. Annars er ég búin að liggja yfir öllum ferðasíðum heims og skoða mér ferðir og velta því fyrir mér hvað ég vil gera næst. Er búin að stúdera ýmislegt þ.e. hvort að það sér gerlegt fjárhagslega eða ekki og er komin með þrjá valkosti, ég mun láta vita með fyrirvara hvað verður fyrir valinu og hef ég tekið meðvitaða ákvörðun um að blogga líka um Amsterdam - bara að ganni.

Ég lofaði sjálfri mér að vera dugleg að skoða landið mitt í sumar en því miður bauð veðrið ekki mikið uppá skemmtileg spontant roadtrip eða útileigur. Ég hafði gert checklista í hausnum um hvað mig langaði að heimsækja og ég held að ég hafi náð um það bil 50% af því.

Var reyndar búin að skoða Geysi en það var um kvöld og telst eiginlega ekki með. Annars hef ég nám á Háskólanum á Hólum í Hjaltadal og mun þá koma við a Hofsósi og kíkja í sund í geðveiku sundlauginni sem er þar. Hitt verður að bíða til betri tíma.

Afmælisroadtrip Stefáns - Fórum austur og skoðuðum fossana og Jökulsárlón!

Jökulsárlón sveik engann

Bolafjall í Bolungarvík

Við krakkarnir

Hörgshlíð. Náttúrupollur um 100km frá Ísafirði.

Ég er bloggsjúk - skoða öll blogg sem ég finn og hef rosalega gaman af þeim. Mitt uppáhaldsblogg þessa dagana er blogg frá einni minni bestu, Jónínu Birgisdóttur, en hún er um þessar mundir að ferðast um Afríku í hjálparstarfi ABC. Jónína, Júlíana (tvíburasystir Jónínu) og Helga halda úti bloggi á meðan þær eru úti og þær eru alveg að selja mér hugmyndina að skrá mig í ABC skólann og fara ferðast um Afríku. Mæli með að þið kíkið HÉR

Annars vona ég að þið hafi gaman af því að fylgjast með og ég hlakka til að sýna ykkur annað uppáhalds ferðabloggið mitt sem mun fara aftur í gang í nóvember - Stay tuned

-GBV

22:28
0 Comments

DUBAI

Við sögðum skilið við Indland og héldum áleiðis til Sameinuðu-Arabísku furstadæmana eða Dubai. Við vorum búin að bóka heimagistingu í gegnum www.airbnb.com og það tók langan tíma að finna staðinn og ég var farin að halda að þetta væri einhverskonar scam en svo fundum við íbúðina sem var að öllu leyti fullkomin. Lítil stúdíóíbúð í hjarta Dubai með fríum aðgang að sundlaug, rækt, gufubaði, pool-i og borðtennis og ekki skemmdi það fyrir að The Dubai mall var í göngu færi. Hann heitir Zach sem að hýsti okkur og ég mæli eindregið með því að fólk gisti hjá honum ef það er á leiðinni til Dubai. Sjá nánar HÉR

Við höfðum 5 daga til að skoða Dubai en letilífið freistaðist oft og við enduðum oftar en ekki í sólbaði við fullkomna sundlaugarbakkann. Við fórum að vísu í eyðimerkursafari sem var ótrúlega skemmtilegt. Keyrðum um í eyðimörkinni á rándýrum Land Cruiser, fórum á úlfaldabak, borðuðum bbq og horfðum á magadansshow.

Það var vafrað alltof oft í Dubai Mall og við ákváðum að skoða einnig hitt risastóra mollið – The Emirates Mall. Þarna var skíðasvæði innandyra sem var sjúkt að sjá en engu að síður gaman að skoða! Skíðalegend-ið lagði ekki í að fara eina ferð enda kostaði það í kringum 7.000 kall.

Það var skoðað allt þetta klassíska þ.á.m. Burj Al Arab – flottasta hótel í heimi, Burj Khalifa – hæstu byggingu í heimi, Dubai Fountains og öll háhýsin sem umkringdu borgina.

Við fórum einnig í Old Souk Market sem er gamall markaður hérna en Zach mælti með að við myndum kíkja þangað og sjá 'Gamla Dubai'. Þarna voru krydd og gersemir á lágu verði og þar var kippt nokkrum minjagripum með.

Zach fór svo með okkur á Al Hallab sem er arabískur veitingarstaður. Geðveikur matur og Zach án djóks einn besti host-inn!

Dubai virkar fullkomin. Allt fáránlega hreint, allir kurteisir, ekkert áreiti og bara fullkomin. Zach sagði okkur að vísu frá því að ég væri mikil þrælavinna sem að skemmdi ímyndina mikið.

Við sáum samt enganvegin eftir breytingunni okkar (þ.e. að breyta ferðinni 5 dagar Indland/5 dagar Dubai í staðinn fyrir 10 dagar í Indlandi)

Svo fer að koma að heimkomu. London í nokkra daga og svo bara HOME SWEET HOME. Manni er farið að langa svolítið heim en samt er þetta búið að vera svo skemmtilegt. Ástrós og Hafsteinn hafa gert ferðina ógleymanlega og er ég ævinlega þakklát fyrir þrjóskuna í Ástrósu að draga mig í ferðalag. I LOVE YOU!

Ein svona af okkur saman. Mín allra besta!

Næst á dagskrá er að fylla töskurnar (það kemst samt varla neitt meira fyrir) og njóta seinustu dagana í fríi.

-GB

18:57
2 Comments

INDLAND

Eftir að hafa eytt 5 dögum í Bangkok var komið að því að það skildust leiðir. Ævar ákvað að fara til Pattaya, Ástrós og Hafsteinn voru að fara til London og ég og Stefán til Indlands. Við áttum seinustu kvöldmáltíðina á Tony Roma’s (Hvað annað?) og hentumst uppá flugvöll. Um leið og við mættum var eitt flug cancelað – og auðvitað var það flugið hjá Ástrósu og Hafsteini. Þau fóru semsagt í fýluferð aftur á Khao San Road og ég og Stefán rónuðumst á flugvellinum til 8 um morguninn.

Flugið var fínt og við vorum lent um 11 leitið til Delhi. Hótelið sótti okkur og við tók allt öðruvísi land en við bjuggumst við. Eftir að hafa heyrt svo margar vondar sögur um Indland tók á móti okkur einlægt og gott fólk. Við bókuðum óvart hótelið í 10 nætur en hótelstjórinn leyfði okkur að cancel-a því og fór í gegnum heljarins vesen bara fyrir okkur. Bílstjórinn okkar, Sanjay, fór með okkur á ferðaskrifstofu og þar bókuðum við klassísku ferðina Agra – Jaipur – Delhi.

Við brunuðum til Agra daginn eftir með Sanjay og auðvitað kom magaverkur #1 í hús en í þetta skipti var það ekki Guffa – heldur Stefán Pálsson! En það reddaðist með einni immodium á svipstundu. Planið fyrir daginn var svo að skoða Taj Mahal. Fyrir allan misskilning hélt ég alltaf að þetta væri trúarlegt hof en svo komst það í ljós að það er í raun ekkert trúarlegt við það. Við fengum okkur guide sem sagði okkur söguna af kong sem að lét byggja Taj Mahal fyrir konuna sína sem dó. Hún var 1 af 3 konum hans en var í algjöru uppáhaldi. Þegar að hún var að fæða 14 barnið hans lést hún. Hann ákvað að byggja húsið handa henni og inni í húsinu eru líkkisturnar af þeim tveim. Smáatriðin eru óborganleg og þarna er allt symmetrical sem gerir húsið endalaust fallegt.

Ég tók mig til og mætti í indverska klæðnaðinum Sari en fyrst keypti ég mér eitt slíkt og bað konuna sem hýsti okkur um að hjálpa mér að klæða mig í. Hún bölvaði og blöskraði þessu Sari og lánaði mér sitt eigið og gerði mig fína og sæta fyrir Taj Mahal. Eins skrýtið og það er að vera hvít stelpa á Indlandi þá er það ennþá skrýtnara að vera hvít stelpa í Sari á Indlandi. Allir góndu á mig og ég var beðin um að vera á myndum hjá fólki sem var mjög skrýtið.

Það var gaman að prufa þetta en undir lokin var orðið svo sjóðandi heitt undir þessum klæðum (og ég alltaf dauðhrædd um að þetta myndi pompa niður) þannig að ég skipti um föt. Í Taj Mahal er enginn dresscode – því þetta er ekki trúarlegt hof, heldur hof ástarinnar!

Við fengum svo vegan-indverskan mat hjá yndislegu konunni sem við gistum hjá og hún dekraði svoleiðis við okkur. Það var virkilega gaman að prufa svona Home stay og það verður ennþá áhugaverðara að prufa það í 5 daga en við bókuðum þannig fyrir Dubai þar sem að hótel kostnaðurinn þar er ekki bakpokaferðalöngum bjóðandi.

Daginn eftir var haldið til Jaipur. 5 tíma taxi með krúttlega Sanjay og við vorum lent uppá hótel um 3. Sá dagur var bara tekin í afslöppun því daginn eftir fórum við svo að skoða Jaipur.

Eftir að hafa átt leti dag tókum við daginn eftir með trompi. Ræs snemma og byrjuðum að fara á fílsbak upp Amer Palace og skoðuðum þar risa stóra höll. Eftir það fórum við og skoðuðum Hawa Mahal, Water Palace og fengum að leika okkur smá með fílunum. Við keyptum banana og gáfum þeim að borða og klöppuðum þeim. Svo kom að því að við fórum í týpiska Textilebúð þar sem að voru gert góð kaup. Stefán keypti sér peysu og ég keypti mér buxur ásamt nokkrum glaðningum fyrir elsku mömmu.

Síðan var haldið aftur til Delhi. Enn og aftur 5 tíma keyrsla í litlu dollunni hans Sanjays. Skoðuðum þar týpísku húsin þ.á.m. Parliamentið og hús forsetans. Svo var bara endurpakkað og gert allt klárt fyrir Dubai en við munum vera þar í 5 daga og svo halda til London.

Það fer alveg að koma að heimkomu...

GB.

12:30
0 Comments

Pages

GUFFA

NÝR ÓVÆNTUR ÁFANGASTAÐUR

LEITIN AF FERÐABLOGGUM...

NÆSTU ÁFANGASTAÐIR

AMSTERDAM

ÍSLAND

DUBAI

INDLAND

Guðfinna Birta

Fylgdu mér á Instagram!

Fjölmiðlar

Labels

Líkaðu við mig á Facebook

recent posts

VINSÆLUSTU FÆRSLURNAR

Aðrar færslur

HAFA SAMBAND