Guðfinna Birta: apríl 2013

CAMBODIA

Við fórum í 10 tíma rútu frá Bangkok til Siem Reap í Kambódíu. Leiðin var greið en alltaf meira vesenið með visa. Endalausar raðir og óþolinmæði. Við vorum svo loksins komin á áfangastað um 6 leitið og þá hófst leit af hosteli. Fyrsta hostelið sem við gistum á var viðbjóður – viftuherbergi á 6.hæð með fúkkalykt. Seinna hostelið lofaði að vísu góðu en eftir nóttina vaknaði ég með 20 bedbugs bit! Veit ég um eitthvað verra? Nei svosem ekki!

Við gerðum ýmislegt sniðugt í Siem Reap þó svo að við dvöldum ekki lengi þar. Við kíktum á Shooting Range þar sem að við skutum úr AK47 og M16.

Leigðum okkur hjól og hjóluðum um bæinn, fórum í krókódílagarð og gáfum þeim fiska og fórum á Night Market (sem virðast vera í öllum löndum). Við kíktum líka í Angkor Wat sem er frægasta/þekktasta hof Kambódíu. Hér er allt auglýst með þessu hofi þ.á.m. bjórinn. Við vorum mætt um 5 leitið til að sjá sólarupprásina. Dagurinn var svo nýttur til hið ítrasta þar sem að við skoðuðum Ta Prohm þar sem Tomb Raider var tekin upp. Hittum kambódíska krakka og lékum aðeins við þau og hittum svo nunnur sem voru eldgamlar og snoðaðar - algjörar dúllur og við töluðum íslensku og þær kambódísku. Ævar varð líka ástfanginn, hann heitir Bóbó og gifting er auglýst síðar.

C'est amor

Munkur að blessa

Krakkar hjá Angkor Wat

SP barnagæla

Krúttlegustu konur í heimi

Eftir Siem Reap fórum við til Phnom Penh, höfuðborgar Kambódíu. Við vorum mætt um 1 um nótt og leitin af hosteli hófst enn og aftur. Fundum krúttlegt gestahús og byrjuðum á að sofa í viftuherbergi... sem var svo breytt daginn eftir í aircon guðisélof. Skoðuðum Russian Market daginn eftir og kíktum í Víetnamska sendirráðiði til að redda visa en auðvitað var lokað. Hér er einnig besta Chicken Fajitas í heimi (fyrir utan heima í Kvíslatungu 4 ofcurs) og ég og Ástrós hæstánægðar með það!

Room Service kl 1 um nótt - Chicken Fajitas!

Ferðinni var heitið daginn eftir á Choung Ek, sem er einn af mörgum Killing Fields hér í þessu landi. Fyrir þá sem ekki vita var hér stríð á árunum 1975-1979 þar sem að þriðjungur þjóðarinnar lét lífið eða um 3 milljónir manna. Maður að nafni Pol Pot stóð fyrir þessum þjóðarmorðum og ber ábyrgð á dauða þessara fólks. Það var virkilega erfitt að fara þarna, hlusta á sögur fólks sem hafði lifað af og sjá ýmsa staði þar sem þúsundir voru myrtir. Það sem braut hjartað í mér var eitt tré sem stóð þarna miðsvæðis. Þarna höfðu um 10.000 börn látist því að villingarnir í Rauðu Khmerunum börðu þau í tréið þangað til að þau dóu. Ég ætla ekki að setja myndir af Killing Fields á netið þó svo að ég hafi tekið nokkrar. Ég mæli frekar með því að fólk skoði þetta og upplifi þetta sjálft þegar að það fer til Kambódíu. Ég ætla hinsvegar að láta eina mynd af girðingu sem er yfir fjöldagröf 450 manns en þar hafa túristar tekið sig saman og sett 1 armband til að sýna virðingu og samúð.

Við heimsóttum líka fangelsið S21 þar sem að mörg þúsund manns var haldið og drepið. Þetta var áður fyrr gamall skóli en búið að breyta honum í fangelsi. Ég kem eiginlega ekki upp orðum hvernig var að fara þangað. Maður sá myndir af öllu fólkinu sem þurfti að dvelja þarna, hrottfengnar myndir af líkum sem höfðu verið barin til óbóta, blóðslettur, pyntingartæki og svo margt meira. Eins og ég sagði áður fyrr þá mæli ég frekar með að fólk fari á staðina og upplifi það sjálft heldur en að ég dúndri inn myndum af þessu. Í þessu fangelsi létust um 17.000 manns, börn, konur, karlar – fólk á öllum aldri. Þetta braut alveg í mér hjartað og mæli hiklaust með að fólk fari þangað.

Svo var keypt rútumiða til Víetnam og reddað víetnam-visa. Við keyptum það á netinu og bara svona smá viðvörun fyrir fyrir komandi bakpokaferðalanga þá virkar það ekki neitt að kaupa það á netinu. Þú þarft að borga það nákvæmlega sama og allir aðrir. Við enduðum sumsé á að borga 1.600 kalli of mikið – enn við bitum í það súra epli og fengum visað okkar daginn eftir sem kostaði um 60 dollara.

Planið seinasta daginn var svo að henda handsprengju og skjóta úr skammbyssu. Allt fór fyrir ekki því það var ekki hægt að henda handsprengju nema að maður keypti basúkkuskot sem kostaði 350$ og það var ekki beint í myndinni. Ég sætti mig bara við revolver. Stefán skaut líka úr revolver og gjörsamlega ace-aði það.

Við verðum í Víetnam í rúmlega tvær vikur. Lendum í Ho Chi Min og förum svo upp Víetnam til Halong Bay.

12:34
0 Comments

THAILAND

Eins og glöggir hafa tekið eftir ætluðum við til Malasíu eftir Singapore. Við ákváðum að breyta því plani eftir að Prashant sagði okkur að það væri í raun ekkert merkilegt að sjá þar (og við vorum sjálf bara kominn með einn hlut til að sjá). Þannig að við beiluðum Malasíu og keyptum okkur flug til Phuket í Thailandi.

Þegar að við lentum í Phuket vorum við orðin leið á því hversu þungir bakpokarnir voru og ákváðum að senda einhver föt heim (enda búin að versla fullt í Singapore líka). Við enduðum á að senda 2 risa stóra kassa, 37 KG í heildina. Við löbbuðum svo út af flugvellinum í Phuket – alsæl með létta bakpoka!

Við gistum í tvær nætur í Phuket á lélegu hosteli. Fórum í ferð um James Bond eyjuna sem var geðveik í alla staði. Fórum á Kanó, slöppuðum af í sólbaði, stungum okkur í sjóinn og nutum þess að vera í fríi.

Svo pöntuðum við okkur ferð til Koh Phi Phi. Vorum komin þangað 21 mars. Koh Phi Phi kom á óvart að því leiti hvað þetta er pínulítil eyja. Tekur mann ekki nema 3 mínútur að labba yfir á hina ströndina. Þarna var slakað virkilega á, splæstum í vindsængur og yet again – nutum. Stefán ákvað einnig að vera legend og tók svokallaðari ‘Challenge’ á Reggae bar ; 800 gramma hamborgari með laukhringjum, kartöflubátum og hrásalati – og átti að slátra þessu á 30 mín og þá færðu matinn frítt. Stefán var orðin pakksaddur þegar að hann átti alla kartöflubátana eftir og borgaði 500 bath fyrir þessa máltíð – alltof saddur og byrjaður að svitna kjötsvita. Svo um kvöldið var kíkt á næturlífið þar sem var prufað hlátursgas og sumir fóru í eldsnúsnú, sem þeir hefðu betur mátt sleppa.

Við hittum einnig íslendinga á Koh Phi Phi þar sem að ég var í sakleysi mínu inní einhverri búð og heyrði tvær íslenskar stelpur spjalla og fékk áfall þegar að ég heyrði íslenska rödd. Þær sögðu mér að þær yrðu á full moon á sama tíma og við og þegar að ég labbaði úr búðinni voru Stefán og Hafsteinn búnir að vera tala við kærasta þeirra um full moon!

Við fórum í ferð til Noh Sama Bay, Monkey Island, Maya bay og snorkluðum og borðuðum Flælæ (fried rice). Noh Sama Bay hlýtur að hafa verið fallegasti staður sem ég hef séð. Snorkluðum líka í sjó með fullt af fiskum sem var auðvitað algjör snilld.

Við áttum svo pantaða ferð til Krabi þar sem við höfðum hugsað okkur að vera í eina nótt. Það var beilað og við fórum strax til Koh Phangan og vorum mætt þangað fyrir allar aldir kl 7 um morgun. Og máttum tjekka okkur inn kl 12 á Resortið sem við áttum bókað. Krakkarnir skelltu sér strax í sólbað á meðan ég gjörsamlega rotaðist í einhverjum sófa þarna og vaknaði með vindsæng yfir mér. (þetta var gert svo ég myndi ekki vakna sem ein stór brunarúst í smettinu)

Koh Phangan bauð uppá voðalega lítið annað en Full Moon partyið. Við fengum íslendingana til okkar í fyrirparty og fórum svo niður á Haad Rin strönd þar sem þetta var haldið. Hópurinn splittaðist auðveldlega í þessu crowdi og ég skemmti mér vel þangað til að óvelkomnir kviðverkir fóru að segja til sín. Já það var líka ráðist á mig af eldmaurum sem hlýtur að vera ein óþæginlegasta tilfinning lífs míns. Full Moon partyið var skemmtilegt en voðalega mikið búið að hæpa það upp. Engu að síður er gaman að geta krossað þetta af To do listanum. Dagarnir eftir á Koh Phangan fóru í sólbað og borða meira Flælæ. Pöntuðum okkur svo ferð til Koh Tao þann 28 mars.

Við vorum í 8 daga á Koh Tao. Þar er voða lítið hægt að gera ef maður ætlar ekki að kafa. Við leigðum vespur, kíktum í minigolf, lentum í sveitta missioni ferðarinnar so far og við pöntuðum snorklferð um alla eyjuna sem var skemmtileg. Þar fórum við um Shark Island, Mango Bay og Nangyuan Island. Fórum uppá útsýnispall á Nangyuan Island þar sem að ég missti 2kg á að labba upp og hrapaði svo næstum niður – en hvað gerir maður ekki fyrir flottar myndir?

Dagarnir á Koh Tao voru svipaðir þegar að leið undir lok. Vakna – Sólbað – Chill – Borða – Skoða markaði. Ég varð að sjálfsögðu að brunarúst og fékk svona myndarlegt sólgleraugnafar. Við kíktum svo á Lady Boy sýningu sem var ein stór skrýtin lífsreynsla. Næsta stopp var svo Bangkok og við öll dauðsfegin að skipta loksins um umhverfi.

Við komum til Bangkok 5 apríl að nóttu til. Ætluðum að vera legend og kaupa nætuferð og vera mætt snemma um morgunin en allt fór fyrir ekki og rútan var extra fljót á leiðinni og við vorum mætt um kl 3 um nótt. Við tjekkuðum okkur inná rosa fínt gestahús með sturtuhaus sem virkar!

Það var tekið uppá ýmsu í Bangkok. Það var kíkt á Weekend Market þar sem voru gerð góð kaup, Koh San Road að sjálfsögðu sem er gata full af hótelum, international veitingarstöðum, skemmtilstöðum, mörkuðum, skordýrabásum og ég veit ekki hvað og hvað..

Ævar kom svo til okkar 9 apríl og honum var tekið fagnandi! Þarna vorum við orðin the fabulous five og erum búin að gera ýmsilega fyndna hluti hérna. Ég og Ástrós strukum frá strákunum og létum setja í okkur Moniku fléttur með perlum. Ætluðum ekki að hætta hlæja þegar að við löbbuðum um Koh San Road og það heyrðist meira í perlunum okkar heldur en manninum sem var að bjóða okkur á PingPong Show.

Eðlilega byrjaði Ævar ferðina á mani&pedi

Þann 10 apríl var svo tekin skyndiákvörðun dagsins. Við ákváðum að skella okkur í tattoo! Allir fengu sér eitt sætt tattoo og hafiði engar áhyggjur við fórum á hreinan og sótthreinsaðan stað þar sem við fáum ekki aids og lifrabólgu C.

Við fengum einnig þrumur og eldingar í Bangkok og áttum kósýdag sem er alltaf jafn notalegt. Hann var t.d. nýttur í að skrifa þetta blogg!

Helgina 13-16 apríl var svo nýár hjá Thailendingum en það kallast Songkran. Við lentum líka í því á Balí að vera yfir nýár en í Thailandi var því öðruvísi háttað en hátíðin felur í sér þriggja daga vatnsstríð á götum borgarinnar (og eflaust víðsvegar um allt land). Þetta var sjúklega gaman og óhætt að segja að allir voru orðnir marnir og meiddir í höndum eftir vatnsbyssuátök. Það var líka einhverskonar efni úr duftformi til sölu, sem er svo blandað í vatn þannig að úr kemur leðja, sem var óspart notuð til að klína framan í mann og uppí mann, öllum til mikillar gleði.

Við kíktum tvisvar í bíó.. fórum fyrir mistök á myndina The Host sem ég vona að enginn annar fari á - aðeins of leiðinleg! Svo fórum við á Oblivion sem var nú skömminni skárri en The Host! Keyptum miða alltof snemma og átum allt sem við gátum fundið í þessu molli og ég splæsti í næsta langermabol sem ég sá útaf því það var ííííííískalt í bíóinu!

Ég og Stefán tókum svo aðra skyndiákvörðun og breyttum ferðinni örlítið. Upprunarlega áttum við að vera í 10 daga í Indlandi en ákváðum í staðinn að vera þar bara í 5 daga vegna þess að margir sem við höfum hitt sögðu að 10 dagar væru einfaldlega of yfirþyrmandi þannig að við keyptum okkur flug til Sameinuðu Arabísku Furstadæmana a.k.a. DUBAI og munum eyða seinustu 5 dögum reisunnar þar, WúbbWúbb!

Næst á dagskrá hjá okkur er svo Kambódía!

GB

20:24
0 Comments

Pages

GUFFA

CAMBODIA

THAILAND

Guðfinna Birta

Fylgdu mér á Instagram!

Fjölmiðlar

Labels

Líkaðu við mig á Facebook

recent posts

VINSÆLUSTU FÆRSLURNAR

Aðrar færslur

HAFA SAMBAND