...Ég er á lífi. Ég er bara ofboðslega upptekin þessa dagana. Er að skrifa ritgerðina mína og að sinna dóttur minni og er voðalega takmarkað í tölvunni. Ég kem til með að blogga eitthvað á næstunni og segja ykkur frá skemmtilegum hlutum - t.d. erum við loksins-loksins-loksins að fara mála húsið okkar. Ég ætla að sýna ykkur fyrir/eftir myndir af því. Ég er sko sjúklega spennt að deila því með ykkur. Húsið mitt er gult nota bene. G U L T.

Annars er ég orðin ofvirk á Instagram - og ykkur er guðvelkomið að fylgja mér þar! x


Ég skrifa eitthvað til ykkar á næstunni. Þegar hlutirnir fara að róast. Takk samt fyrir að vera dugleg að kíkja hingað inn. Ég er alltaf jafn furðulostin hvað það skoða margir þessa síðu á hverjum degi.

Smá myndir héðan og þaðan til að punta þessa færslu aðeins:

Guffa

Ji hvað ég er búin að vera spennt að sýna ykkur þessa færslu.

Eitt af því sem mér finnst mjög gaman að gera er að kíkja í Góða Hirðirinn. Ég get gleymt mér tímunum saman þarna inni að skoða gamalt dót og láta mig dreyma um að búa í 400 fermetrum svo ég geti hýst allar gersemirnar sem felast þarna.

Ég á bróður. Mjög sniðugan meira segja. Ok ég á 3 bræður og þeir eru allir sniðugir. En sá elsti gaf mér einu sinni afmælisgjöf sem mér þótti svo rosalega vænt um. Og þykir enn. Og það besta er að hún kostar lítið sem ekki neitt.

Ég hef oft gefið þessa gjöf "áfram" og finnst mér fólk alltaf taka svo vel í gjöfina og hrósa því bak og fyr. Þessvegna vil ég deila þessu með ykkur - sérstaklega ef þið eruð jafn clueless um hvað þið eigið að gefa fólki í gjafir.

Enn þetta er einfalt.

Ég veit ekki með ykkur en mér finnst afmælisdagurinn minn vera rosalega mikið minn dagur. Ég hef samt aldrei verið mikið fyrir að halda afmælið mitt (og þjáist af gríðarlegri afmælisfóbíu) en einhvernveginn er 7.mars 1992 minn dagur.

Brósi gaf mér útprentað morgunblað frá afmælisdeginum mínum. Mér fannst það æði. Það var gaman að lesa framan á forsíðuna og sjá hvað átti sér stað á meðan maður var að mjaka sér í heiminn. Ég gaf Stefáni og Ýri líka sína moggasíðu og puntaði veggina heima með því. Sumum finnst þetta ef til vill fáránlegt - en mér finnst þetta bara nokkuð svalt.





Ef þið ákveðið að gefa svona gjöf mæli ég með að prenta hana út hjá t.d. Pixel á mattan pappír. Þá lítur þetta miklu betur út. Skelið svo vínflösku eða bjórkippu með og þá eruð þið komin með sniðuga gjöf fyrir hvaða tilefni sem er :-)


Kveðja,
Guffa


PS - Við erum að leggja allra lokahönd á eldhúsið okkar. Við ákváðum að kaupa nokkra efri skápa og erum að fara henda þeim upp. Þegar þeir eru komnir upp skal ég setja inn fyrir/eftir blogg af því.

Það er með ólíkindum hvað ég vanræki þessa heimasíðu mína. Að vísu hefur fókusinn verið á litlu stelpunni minni en ég lofaði að ég myndi taka mig á í orlofinu, og ég ætla að standa við það! Ég fæ mega samviskubit að sjá hversu margir koma hingað daglega og síðan jafn lífleg og gervipottablómið mitt.