Hæ...
00:09...Ég er á lífi. Ég er bara ofboðslega upptekin þessa dagana. Er að skrifa ritgerðina mína og að sinna dóttur minni og er voðalega takmarkað í tölvunni. Ég kem til með að blogga eitthvað á næstunni og segja ykkur frá skemmtilegum hlutum - t.d. erum við loksins-loksins-loksins að fara mála húsið okkar. Ég ætla að sýna ykkur fyrir/eftir myndir af því. Ég er sko sjúklega spennt að deila því með ykkur. Húsið mitt er gult nota bene. G U L T.
Annars er ég orðin ofvirk á Instagram - og ykkur er guðvelkomið að fylgja mér þar! x
Ég skrifa eitthvað til ykkar á næstunni. Þegar hlutirnir fara að róast. Takk samt fyrir að vera dugleg að kíkja hingað inn. Ég er alltaf jafn furðulostin hvað það skoða margir þessa síðu á hverjum degi.
Smá myndir héðan og þaðan til að punta þessa færslu aðeins:
Haust og skipulag eiga vel saman - en mikið sem ég hef verið að slugsa með það! Ég hef fengið nokkrar spurningar varðandi þessa dagbók en hún er frá Passion Planner. Ég á von á annarri fyrir 2017 sem er brún og gjörsamlega geggjuð!
Litla dúlla. Ég er ástfangin af henni og barnalínunni úr Zara kids. Gæti auðveldlega orðið gjaldþrota ef ég dúsa of lengi þar inni.
Fór í Fossvogshlaupið í sumar og lærði það að ég get með engu móti hlaupið í þessum skóm. Þannig ég hef frestað því að hlaupa þangað til ég kaupi mér almennilega skó. Engar áhyggjur samt. Ég kláraði hlaupið og slapp við meiðsli.
International Taco Tuesday var að sjálfsögðu haldinn hátíðlegur hjá okkur í Markholtinu. Spicy fishtaco er nýtt uppáhald hjá okkur. Hef einnig fengið nokkrar spurningar um þessa mynd og hvort vinkona mín hafi gert hana en svarið er nei. Þetta er mynd eftir ByGoja og ég þekki stelpuna ekki neitt. Fannst myndin bara virkilega flott og ég er veik fyrir monsterum!
Rassgatarófa og garðurinn okkar. Nei ég hef ekki nennt að raka laufin og mun eflaust aldrei nenna því.
Dagarnir mínir fara í það að kyssa þessar kinnar.
Ýr er umkringd svo góðu fólki að það nær engri átt.
Kaffihúsatýpur
Aldrei friður í Markholti.
Guffa
0 ummæli