Guðfinna Birta: maí 2013

DUBAI

Við sögðum skilið við Indland og héldum áleiðis til Sameinuðu-Arabísku furstadæmana eða Dubai. Við vorum búin að bóka heimagistingu í gegnum www.airbnb.com og það tók langan tíma að finna staðinn og ég var farin að halda að þetta væri einhverskonar scam en svo fundum við íbúðina sem var að öllu leyti fullkomin. Lítil stúdíóíbúð í hjarta Dubai með fríum aðgang að sundlaug, rækt, gufubaði, pool-i og borðtennis og ekki skemmdi það fyrir að The Dubai mall var í göngu færi. Hann heitir Zach sem að hýsti okkur og ég mæli eindregið með því að fólk gisti hjá honum ef það er á leiðinni til Dubai. Sjá nánar HÉR

Við höfðum 5 daga til að skoða Dubai en letilífið freistaðist oft og við enduðum oftar en ekki í sólbaði við fullkomna sundlaugarbakkann. Við fórum að vísu í eyðimerkursafari sem var ótrúlega skemmtilegt. Keyrðum um í eyðimörkinni á rándýrum Land Cruiser, fórum á úlfaldabak, borðuðum bbq og horfðum á magadansshow.

Það var vafrað alltof oft í Dubai Mall og við ákváðum að skoða einnig hitt risastóra mollið – The Emirates Mall. Þarna var skíðasvæði innandyra sem var sjúkt að sjá en engu að síður gaman að skoða! Skíðalegend-ið lagði ekki í að fara eina ferð enda kostaði það í kringum 7.000 kall.

Það var skoðað allt þetta klassíska þ.á.m. Burj Al Arab – flottasta hótel í heimi, Burj Khalifa – hæstu byggingu í heimi, Dubai Fountains og öll háhýsin sem umkringdu borgina.

Við fórum einnig í Old Souk Market sem er gamall markaður hérna en Zach mælti með að við myndum kíkja þangað og sjá 'Gamla Dubai'. Þarna voru krydd og gersemir á lágu verði og þar var kippt nokkrum minjagripum með.

Zach fór svo með okkur á Al Hallab sem er arabískur veitingarstaður. Geðveikur matur og Zach án djóks einn besti host-inn!

Dubai virkar fullkomin. Allt fáránlega hreint, allir kurteisir, ekkert áreiti og bara fullkomin. Zach sagði okkur að vísu frá því að ég væri mikil þrælavinna sem að skemmdi ímyndina mikið.

Við sáum samt enganvegin eftir breytingunni okkar (þ.e. að breyta ferðinni 5 dagar Indland/5 dagar Dubai í staðinn fyrir 10 dagar í Indlandi)

Svo fer að koma að heimkomu. London í nokkra daga og svo bara HOME SWEET HOME. Manni er farið að langa svolítið heim en samt er þetta búið að vera svo skemmtilegt. Ástrós og Hafsteinn hafa gert ferðina ógleymanlega og er ég ævinlega þakklát fyrir þrjóskuna í Ástrósu að draga mig í ferðalag. I LOVE YOU!

Ein svona af okkur saman. Mín allra besta!

Næst á dagskrá er að fylla töskurnar (það kemst samt varla neitt meira fyrir) og njóta seinustu dagana í fríi.

-GB

18:57
2 Comments

INDLAND

Eftir að hafa eytt 5 dögum í Bangkok var komið að því að það skildust leiðir. Ævar ákvað að fara til Pattaya, Ástrós og Hafsteinn voru að fara til London og ég og Stefán til Indlands. Við áttum seinustu kvöldmáltíðina á Tony Roma’s (Hvað annað?) og hentumst uppá flugvöll. Um leið og við mættum var eitt flug cancelað – og auðvitað var það flugið hjá Ástrósu og Hafsteini. Þau fóru semsagt í fýluferð aftur á Khao San Road og ég og Stefán rónuðumst á flugvellinum til 8 um morguninn.

Flugið var fínt og við vorum lent um 11 leitið til Delhi. Hótelið sótti okkur og við tók allt öðruvísi land en við bjuggumst við. Eftir að hafa heyrt svo margar vondar sögur um Indland tók á móti okkur einlægt og gott fólk. Við bókuðum óvart hótelið í 10 nætur en hótelstjórinn leyfði okkur að cancel-a því og fór í gegnum heljarins vesen bara fyrir okkur. Bílstjórinn okkar, Sanjay, fór með okkur á ferðaskrifstofu og þar bókuðum við klassísku ferðina Agra – Jaipur – Delhi.

Við brunuðum til Agra daginn eftir með Sanjay og auðvitað kom magaverkur #1 í hús en í þetta skipti var það ekki Guffa – heldur Stefán Pálsson! En það reddaðist með einni immodium á svipstundu. Planið fyrir daginn var svo að skoða Taj Mahal. Fyrir allan misskilning hélt ég alltaf að þetta væri trúarlegt hof en svo komst það í ljós að það er í raun ekkert trúarlegt við það. Við fengum okkur guide sem sagði okkur söguna af kong sem að lét byggja Taj Mahal fyrir konuna sína sem dó. Hún var 1 af 3 konum hans en var í algjöru uppáhaldi. Þegar að hún var að fæða 14 barnið hans lést hún. Hann ákvað að byggja húsið handa henni og inni í húsinu eru líkkisturnar af þeim tveim. Smáatriðin eru óborganleg og þarna er allt symmetrical sem gerir húsið endalaust fallegt.

Ég tók mig til og mætti í indverska klæðnaðinum Sari en fyrst keypti ég mér eitt slíkt og bað konuna sem hýsti okkur um að hjálpa mér að klæða mig í. Hún bölvaði og blöskraði þessu Sari og lánaði mér sitt eigið og gerði mig fína og sæta fyrir Taj Mahal. Eins skrýtið og það er að vera hvít stelpa á Indlandi þá er það ennþá skrýtnara að vera hvít stelpa í Sari á Indlandi. Allir góndu á mig og ég var beðin um að vera á myndum hjá fólki sem var mjög skrýtið.

Það var gaman að prufa þetta en undir lokin var orðið svo sjóðandi heitt undir þessum klæðum (og ég alltaf dauðhrædd um að þetta myndi pompa niður) þannig að ég skipti um föt. Í Taj Mahal er enginn dresscode – því þetta er ekki trúarlegt hof, heldur hof ástarinnar!

Við fengum svo vegan-indverskan mat hjá yndislegu konunni sem við gistum hjá og hún dekraði svoleiðis við okkur. Það var virkilega gaman að prufa svona Home stay og það verður ennþá áhugaverðara að prufa það í 5 daga en við bókuðum þannig fyrir Dubai þar sem að hótel kostnaðurinn þar er ekki bakpokaferðalöngum bjóðandi.

Daginn eftir var haldið til Jaipur. 5 tíma taxi með krúttlega Sanjay og við vorum lent uppá hótel um 3. Sá dagur var bara tekin í afslöppun því daginn eftir fórum við svo að skoða Jaipur.

Eftir að hafa átt leti dag tókum við daginn eftir með trompi. Ræs snemma og byrjuðum að fara á fílsbak upp Amer Palace og skoðuðum þar risa stóra höll. Eftir það fórum við og skoðuðum Hawa Mahal, Water Palace og fengum að leika okkur smá með fílunum. Við keyptum banana og gáfum þeim að borða og klöppuðum þeim. Svo kom að því að við fórum í týpiska Textilebúð þar sem að voru gert góð kaup. Stefán keypti sér peysu og ég keypti mér buxur ásamt nokkrum glaðningum fyrir elsku mömmu.

Síðan var haldið aftur til Delhi. Enn og aftur 5 tíma keyrsla í litlu dollunni hans Sanjays. Skoðuðum þar týpísku húsin þ.á.m. Parliamentið og hús forsetans. Svo var bara endurpakkað og gert allt klárt fyrir Dubai en við munum vera þar í 5 daga og svo halda til London.

Það fer alveg að koma að heimkomu...

GB.

12:30
0 Comments

VÍETNAM

Eftir ógeðslega 10 tíma rútu til Víetnam vorum við loksins lent. Vegirnir frá Kambódíu til Víetnam voru ekki frásögufærandi og ekki gerði það gæfumun að við lágum aftast, þar sem að vélin er staðsett og rútubílstjórarnir ákváðu svo að slökkva á air-coninu því allir voru sofnaðir. Ég að sjálfsögðu vaknaði í mínu eigin svitabaði og Ævar sömuleiðis og fór frammí og bað þá gjöra svo vel um að setja air conið á. Nokkrum mínútum síðar stekkur Ævar upp og hleypur í gegnum alla rútuna.. þá hafði ‘krókódílatarantúla’ stokkið á andlitið hans. Ég tel það líklegast að það hafi verið kakkalakki – en Ævar svaf ekkert eftir þetta atvik, og heldur ekki ég.

Við komum til Ho Chi Minh að degi til og tókum því rólega. Skoðuðum ýmislegt í þessari stórborg. Fórum á safn sem snérist um Víetnam stríðið og þar fékk maður enn og aftur fyrir brjóstið. 3 milljónir óbreyttir íbúar létu lífið en það sem mér fannst alverst var að Bandaríkjamenn settu efni sem heitir Dioxin í sprengjurnar sínar sem olli því að mikið af vötnum menguðust. Með því fæddust mörg hundruð börn með fötlun og einnig vansköpuð. Þessi ‘flokkur’ er nefndur Agent Orange. Þarna voru börn með ofsavaxinn haus, engin augu, auka útlim, færri útlimi, putta fasta saman og ég gæti endalaust haldið áfram. Ég er enn að jafna mig. Mæli með að fólk google-i eða kynni sér þetta.

Við skoðuðum einnig enn eitt háhýsið í Víetnam, Bitexco turninn. Þarna fórum við uppá fimmtugustu hæð og skoðuðum stórborgina, voða gaman. Kíktum á kaffihús og skoðuðum borgina .

Strákarnir ákváðu svo enn og aftur að fara í hárgreiðsluleik. Ævar litaði sig bleikhærðan, Stefán varð fjólubláhærður og Hafsteinn litaði sig dökkhærðan!

Næsta stopp var svo lítill bær sem heitir Vung Tau og er örlítið neðar en Ho Chi Minh á korti. Það voru engar vætingar fyrir þessum bæ en óhætt að segja þá náðum við að afreka heilmikið. Byrjuðum á að leigja okkur vespu í tvo daga. Kíktum í einhvern garð þar sem að maður borgaði 1.500 kall og við fengum að fara í alveg eins rennibraut og á Kínamúrnum, hlaupa í hamstrabolta á vatni, tívolí, leika við strúta, zip line-a og fullt af fleira drasli. Við fórum 4x í rennibrautina þangað til að okkur var bannað að fara oftar. Skoðuðum Jesú styttu hérna sem minnir helst á hina alræmdu í Ríó en þori nú að staðfesta, þó svo að ég hafi aldrei komið þangað, að þessi er ekki nærrum því eins flott. Leiðin þangað var að vísu sveitt og erfið.

Við kíktum líka á ströndina. Þarna var ströndin með mikilli golu – sem er einn mesti plús ferðarinnar. Það er ekkert verra en að liggja í logni og gjörsamlega soðna. Við eyddum 2 nóttum í Vung Tau, enda heljarinnar ferðlag upp Víetnam framundan!

Næsta stopp okkar var svo Phan Thiet þar sem að allt var voðalega ómögulegt. Byrjum á því að rútan okkar var svo yfirbókuð að það hefði ekki komist hænuungi þarna inn og mér og Stefáni til mikillar hamingju var maður með risastóra PLÖNTU fyrir hliðiná okkur á kolli – það var bara búið til sæti þar sem að var gólf. Í Phan Thiet höfðum við planað að skoða eyðimörkina og leika okkur en við mættum aftur í local bæ þar sem að enginn talaði ensku og enduðum að fara í svaka taxaferð því að bílstjórinn skildi ekki blautan hvað við sögðum. Eftir það fengum við hálf nóg af þessum litlu bæjum og vildum bara komast strax til Hanoi. Plöntuðum okkur í lobbý á einhverju hóteli og bókuðum okkur bíl til Ho Chi Minh og flug frá Ho Chi Minh til Hanoi. Þegar að við lentum í Ho Chi Minh var ekki búið að opna Domestic flugvöllinn og þá var tekið rónarmove-ið og sofið á jörðinni í nokkra tíma.Vorum svo lent til Hanoi og fundum okkur ágætis hostel. Í Hanoi leigðum við vespur og skoðuðum borgina.

Fengum fljótt leið af Hanoi og pöntuðum okkur ferð til Halong Bay. Tókum þriggja daga ferð plús nokkra daga stopp í Cat Ba – eyju hér rétt fyrir utan. Fyrsta daginn var skoðað hella, farið á kayak, gönguferð á utsýnispall, borðað og drukkið fram á nótt. Halong Bay var ótrúlega flott en því miður búið að menga þennan stað frá toppi til táar. Sjórinn var svartur af skít og fljótandi túrtappar og tilheyrandi tóku á móti manni.

Daginn eftir vaknaði ég að sjálfsögðu með mestu sjóveiki lífs míns (ég sver ég hefði frekar kosið þynnku) og fórum í annan bát og rútu til að fara til Cat Ba. Þar var stoppað í National Park og tók við fjallganga – ég afþakkaði pent enda með bullandi sjóriðu og hársbreidd frá því að æla. Þegar við vorum lent í central-ið í Cat Ba fórum við og skoðuðum enn og aftur fleiri apa á Monkey Island og svo var siglt með okkur á Bungalowin.

Staðurinn sem Bungalowin okkar voru á var algjör leyndur demantur. Afskekkt eyðieyja með strönd, blakvelli, fótboltamörkum og tilheyrandi. Þar eyddum við með þeim seinustu dögum okkar í Víetnam í að slaka á og njóta – því bráðum skiljast leiðir. Og eins og svo oft áður var farið í hárgreiðsluleik þar sem að greiphárið hans Stefáns fékk loksins að fjúka enn hann ákvað hinsvegar að skafa á sér hausinn í staðinn. Hafsteinn tók sig til og rakaði sig líka í bátnum á leiðinni á Bungalow-ið þannig að núna eru tveir Bubbar í hópnum. Það var svo sannarlega slakað á á þessari eyju og afeitrað sig frá netinu því þar var ekkert internet og lítið sem ekkert símasamband.

Moskítónetið var crucial!

Sagan af Ævari og krókódílatarantúlunni væri ekki frásögufærandi nema ég hefði lent í því sama – sem gerðist að sjálfsögðu. Ég var alveg að ná að sofna þegar að einhver viðurstyggileg vera sem ber nafnið kakkalakki á Íslandi, ákveður að trítla þvert yfir magann á mér. Ég stekk að sjálfsögðu upp og vek Stefán og bið hann um að kveikja ljósið á STUNDINNI. Við leitum í rúman hálftíma eftir verunni og eftir að ég var alveg búin að gefa upp vonina (og farin að halda að ég væri eitthvað veik á geði) sé ég einn ósvikin, ógeðslegan og stóran kakkalakka vafra um veggina (JÁ ÞEIR LABBA UPP VEGGI). Stefán kom mér að sjálfsögðu til bjarga en ég var mjög treg að sofna aftur haldandi það að það væru fleiri en einn á vafri upp um herbergið.

Næst á dagskrá er Bangkok. Þar munum við eyða nokkrum dögum að skoða skemmtilega hluti en þann 17 munu leiðir skiljast! :( Ég og Stefán höldum okkar reisu áfram, Ævar verður lengur í Thailandi og Ástrós og Hafsteinn fara til London. Það styttist óðfluga í heimkomu!

14:00
0 Comments

Pages

GUFFA

DUBAI

INDLAND

VÍETNAM

Guðfinna Birta

Fylgdu mér á Instagram!

Fjölmiðlar

Labels

Líkaðu við mig á Facebook

recent posts

VINSÆLUSTU FÆRSLURNAR

Aðrar færslur

HAFA SAMBAND