Í gær vöknuðum við kl 05:00 á staðaltíma (sem er 12:00 þarna heima hjá ykkur) og hentumst af stað í rútu að skoða Grand Canyon. Við byrjuðum á að skoða Hoove Dam River og Hoover Dam Bridge sem var nú ekki merkilegra en stífla. Við löbbuðum svo á brúnni og tókum nokkrar myndir. 

Svo var komið að næsta stoppi, National Geographic Visitor Center þar sem að sumir hefðu keypt sér 15$ bíómiða að horfa á hálftíma mynd um Grand Canyon. Við sögðum nú pass við því og fengum okkur lunch á meðan.

Eftir myndina fórum við loksins að Grand Canyon og vorum ekki svikin. Þvílíkt og annað eins náttúrufyrirbæri. Myndirnar sýna ekki hversu stórt og mikilfenglegt þetta er - þannig að ég mæli með að fólk fari og skoði þetta. Adrenalínið fór á fullt og í fyrsta skipti á ævi minni fann ég fyrir lofthræðslu!

Tókum vandræðalega mikið af myndum. Hér er smá myndasyrpa : 

 Hérna er SP á Hoover Dam Bridge. 

Eftir 15 tíma ferðalag komum við loksins uppá hótel hér í Las Vegas. Flugum frá Miami til Houston og þaðan til Vegas.

Kíktum í krókódílagarð, skoðuðum hús fræga fólksins, fórum í Little Havana og kíktum á ströndina - og auðvitað mætti Brunfinna í heimsókn þar sem að mér tókst að brenna aftan á lærunum. 

Miami var fínt stopp en nú liggur leiðin til Las Vegas í heila viku. Þar munum við sleikja sólina, kíkja í ræktina og í spilavítin að sjálfsögðu! 

Það er óbærilegur hiti þarna samkvæmt veðurspánni eða 42°C. Þannig að það er eins gott að næpan ég haldi áfram að maka á mig 50 vörninni. Sá að í Seven Eleven var hægt að kaupa 110 blocker. Hugsa að ég splæsi í eitt stykki. 

Sólarkveðjur heim! 

XOX / GBV

Hæ! og afsakið bloggleysið. Hér í Miami er mögulega versta wifi sögunnar og erum búin að hafa nóg að gera líka.

Washington var frábær borg! Ég hafði í sjálfu sér engar væntingar en þegar að komið var á leiðarenda tók á móti okkur miklu rólegri borg heldur en New York. Ég hafði alltaf ímyndað mér Washington sem mjög hraða og "busy" borg en svo var ekki. Það voru því mikil viðbrigði að koma í notalega borg eftir mannfjöldann og ösina í New York.

Við gistum hjá stelpu sem heitir Jennifer og gerðum það í gegnum airbnb.com. Jennifer var algjör snillingur og hjálpaði okkur með allt sem að við þurftum hjálp við. Hún skutlaði okkur m.a. milli staða og bauð uppá morgunmat.. súper næs. 

Læt nokkrar myndir fylgja frá D.C.

Eigum einn dag eftir hér í Miami og svo er það Las Vegas!

Við kíktum í tveggja daga ferð að skoða Niagara Falls - ferðin var nokkuð vel heppnuð. Ég læt myndirnar tala.

XOX - GBV

Krílí hæ krílí hó…

Það er mikið búið að gerast á þessum tveimur dögum! Ferðin byrjaði nú ágætlega, flugið til NYC var mjög fínt og ESTA-ð gekk líka frekar vel. Nema hvað… um leið og við lendum fær Stefán sms frá Airbnb.com að strákurinn sem að ætlaði að hýsa okkur hafi cancelað gistingunni - JEIIII. Við létum það nú ekki á okkur fá, keyptum okkur símkort - bjuggum til personal hotspot og leituðum að gistingu í tæp klukkutíma. Jú kæru vinir, sumarið er high season og það var lítið sem ekkert laust nema á Trump hótelinu.. og það kostaði 100.000 nóttin. Við sögðum pass við það og þegar að við héldum að allt væri vonlaust fann ég hostel í Queens. Þegar að við komum á hostelið vorum við orðlaus. Sjúklega hreint og flott - og stutt frá undergroundinu. Því miður þurfum við að segja skilið við það eftir tvær nætur því það var uppbókað. Við duttum því aftur í lukkupottinn og fundum okkur annað hostel nálægt Central Park. Það er ekta hostel fýlingur í því og mikið lagt uppúr því að hafa ferðina sem ódýrasta, Hér er veitingarstaður hérna sem að kostar sjúklega lítið, fullt af afþreyingu, þæginlegt andrúmsloft og alltaf eitthvað í gangi. 

En yfir í ferðatengdu hlutina… Við erum búin að skoða helstu main attractions hér. Byrjuðum ferðina á að fara á 5th avenue, Time Square og þaðan í Rockafeller Center. Kíktum svo í Empire State um kvöldið til að fá bæði útsýni yfir borgina að degi til í Rockafeller og að kvöldi til í Empire. Fyrir áhugasama þá var röðin  í Empire state BILUÐ. Við biðum í 1 og hálfan tíma til að komast upp á meðan í Rockafeller pantaði maður miða kl. eitthvað ákveðið og mætti, ekkert vesen - ekkert umstang. En í Empire þá mæta allir bara þegar að þeir vilja.. og það var hrikalegt. 

Við erum líka búin að skoða 9/11 Memorial og Flat Iron. Kíktum svo í Staten Island ferjuna og sigldum framhjá frelsisstyttunni! Við keyptum okkur lestakort á 30$ sem gildir í 7 daga og erum búin að ferðast útum alla borg á því - þvílík snilld. 

Á morgun er svo chill dagur.. ekkert mikið planað nema bara að labba um og skoða. Stefán er búinn að ná ótrúlega flottum myndum af New York sem að ég hlakka til að sýna ykkur! Svo förum við í tveggja daga ferð til Niagara Falls eftir það og komum svo aftur til New York í 2 daga. 

Þangað til næst!

XOX - GBV